AZADÎ YÊ BÎ SERKEVE
AZADÎ YÊ BÎ SERKEVE
0 Yorum
95
30-09-2021

Merheba şopdar û rêhevalên Komuna Ramanê yên nirxdar. Em we bi hêvî û baweriya şoreşgerî silav dikin û dibêjin cîhaneke din gengaz e. 

Komploya ku hêzên modernîteya kapîtalîst yên gerdunî li hemberê rêberê gelan birêz Ocalan dabûn destpêkirin hê jî berdewam dike. Vê komploya hovane di 9’ê cotmeha 1998’an de bi derxistina birêz Ocalan a ji Suriyeyê destpêkir. Hêzên desthilatdar di 15’ê Sibat a 1999’an de birêz Ocalan radestî dewleta Tirk a dagirker kirin. Ev 23 sal e birêz Ocalan li hemberî tecrîda girankirî ya navneteweyî û hemû polîtîkayên qirkirinê li Girava Îmraliyê berxwedaneke bêhempa dihone û bi rê ve dibe. 

Îro paradîgmaya civaka demokratîk, komunal,ekolojîst û li hember zayendî perestîya ku ji aliyê birêz Ocalanê ku serokatiya modernîteya demokratîk a gerdûnî dike ve hatiye afirandin di seri de ji bo Rojhelata Navîn û bi gelemperî ji bo hemû mirovahiya ku li ber sikratê ye, bûye nexşerêya rizgariyê. Weke ku tê zanîn Rojhelata navîn erdnîgariya ku cara yekemîn demokrasî lê hatiye jiyîn e. Lewre di navbera civakîbûn û azadiyê de têkiliyeke rasterast û xurt heye. Têkiliya di navbera azadî û demokrasiyê de tê zanîn û ne mijara nîqaşê ye. Demokrasiya ku şêwaza hebûna civaka xwezayî ye bi bijartinên azadîxwaz ên di peresîna mirovahiyê ya civakî û fîzîkî de ji nêz ve girêdayî ye. Di bin ronahiya van agahiyan de gelo mirovahî kengê ji rasteqîniya xwe dûr ket. Pirsa “kê mirovahiyê ji rasteqînê dûr xist” girîngiya xwe di roja me de jî diparêze. Hovîtiya DAIŞ’ê di dilê Rojhelata Navîn de wekî ewrekî reş bi ser mirovahiyê de hat. Têkoşîna ku li hemberî Êzîdiyan û jinan a ku li hemberî hovîtiya DAIŞ’ê bi pêşengtiya PKK’ê a ku çavkaniya xwe ji paradîgmaya birêz Ocalan digire ve hat meşandin, nirxên mirovahiyê yên gerdûnî parast û bilind kir. Paradîgmaya birêz Abdullah Ocalan a ku şoreşa Rojavayê Kurdistanê afirandin û têkoşîna PKK’ê a ku bi giyaneke canbexşane li qada şer meşand bala hemû mirovahîya pêşverû kişand, hezkirin û baweriya rizgariyê ava kir. Rasteqîn ew tişt e ku rasteqînê di mirov de digere û dixwaze vê yekê bi civaka sincî-polîtîk ava bike. Hêviya kesên ku dibêjin “cîhaneke din gengaz e” paradîgmaya birêz Abdullah Ocalan a ku li hemberî olperestî, nîjadperestî û her cureyê paşverûtiyê têdikoşe ye. Pêdiviya civaka Rojhelata Navîn bi şoreşeke duyem a jinê heye. Birêz Ocalan bi vê hevokê dixwaze şoreşa Rojhilata Navîn bi şoreşa jinê tacîdar bike. Ev yek ji hemû beşên civakê re dibe hêviya rizgariyê. Birêz Öcalan mîrateya ku mirovahî bi baldarî lê xwedî derkeve. Nirxên demokratîk ên sedsala 21. Birêz Ocalan temsîl dike û pêşengiyê dike, ji bo vê sedemê eserata birêz Ocalan ji bo mirovahiyê şerm e. Pêwist e Hêza raya giştî ya cîhanê, vê şermê rast bike. Gelê Kurd daxwaz dike ku ev şerm zûtirîn bi dawî bibe. Her wisa, dîroka mirovahiyê û wijdana we deyndarê birêz Öcalan û gelê Kurd e! Ev deynê wijdanê pêwiste were dayîn. Birêz Öcalan garantorê hebûna gelê Kurd, gelên Rojhilata Navîn, civakên bawerî, nasname û nasnameyan bi taybetî ye. 
 
Belê, azadiya cihanê deyndarê birêz Öcalan û gelê Kurd e. Li ser vê bingehê, em bangawaziya we dikin ku bi awayekî aktîf piştgiriyê bidin 'Kampanya Ji Ocalan re Azadî', ku em ê beriya 9'ê Cotmehê, salvegera destpêkirina komploya navneteweyî bidin destpêkirin. Em bawer dikin ku hûn ê tevkariyek xurt bidin kampanyayê û di têkoşîna demokrasî û azadiyê de serkeftinê ji we re dixwazin. 

“AZADÎ YÊ BÎ SERKEVE” 
Silav û rêzên şoreşgerî KOMÛNA RAMANÊ

YORUM GÖNDER

ZİYARETÇİ YORUMLARI

BENZER KONULAR

ÖNDER ÖCALAN'A ÖZGÜRLÜK

ÖNDER ÖCALAN'A ÖZGÜRLÜK KAMPANYASI

AZADÎ YÊ BÎ SERKEVE

ÖNDER ABDULLAH ÖCALAN'A ÖZGÜRLÜK 

'ABDULLAH ÖCALAN'A ÖZGÜRLÜK '

HALKLAR ÖNDERİ ÖCALAN'A ÖZGÜRLÜK

DEM DEMA AZADIYÊ YE!